எம்மான் பாரதியின் பாட்டை கேட்டால்
எம்மானும் துள்ளி குதித்தாடும்
அவன் பெயரை உச்சரித்தாலே
பயங்கள் பயந்தோடும்
அமைதிக் கொண்ட பெண்ணும்
அவனின் சக்தி பாடலைக் கேட்டிட்டால்
பராசக்தியாவாள்
அவனின் கண்ணம்மா பாடலைக் கேட்டிட்டால்
காதலில் விருப்பமில்லா இளைஞனுக்கும் காதல் செய்யத்தோன்றும்
அவனின் கண்ணண் பாட்டை கேட்டிட்டால்
நாத்திகனும் ஆத்திகனாவான்
அவனின் சுதந்திர பாடல்களைக்
கேட்டிட்டால்
சுதந்திரத்தின் அருமைத் தெரியும்
அவனின் பாஞ்சாலி சபதத்தை படித்திட்டால் பெண்ணின் பெருமைத் தெரியும்
அவனின் குயில் பாட்டை பாடினால்
கவிதையினுள் தத்துவத்தை உணர இயலும்
மொத்தத்தில் அவன் கவிதைகளை ஆழ்ந்து படித்தோரெல்லாம் கவிஞராவர்.
யாமறிந்த புலவர்களிலே கம்பனைப்போல்,வள்ளுவர்போல்,இளங்கோவைப்போல், பாரதியைப்போல்
பூமிதனில், யாங்கணுமே பிறந்ததில்லை;
உண்மை,வெறும் புகழ்ச்சில்லை.
-------அன்பன்
சக்கரவர்த்தி பாரதி
No comments:
Post a Comment